AGUR LAGUNOK!

Amaitu da sare amaigabe honetako eremu honen bizia. Kandelaren suaren beroa, zuei pasatzea zen helburua. Eta lortu izana pentsatzen dut. Amnesty Internationalek egiten duen lana txalogarria da, arlo guztietan.

Hori zela eta erabaki nuen zuei, haien berri ematea. Egiten dute lan guztiaren adierazagarri legez sortu bainuen blog hau. Bideo, web orrialde, notizia eta hainbat kanpainaren berri eman dizuet. Interesgarria iruditu zaizuelakoan, hurrengora arte!

Eneko :)

SIERRA LEONAKO EMAKUMEAK

Beste kasu aipagarria, Sierra Leonako emakumeek bizi duten egoera da. Bertan erditzen duten emakumeetatik, %70a hil egiten da. Bertako emakumeen heriotzak, 1/8ko proportzioan gertatzen dira, arrazoi honengatik.


Arrazoiak asko dira. Higiene falta, ospitale eskasia, medikamentu falta, mediku eta erizain falta, eta aurretiko bestelako gaixotasunak medio direlarik hiltzen dira.

Osasun sistema duin baten alde lanean dabil Nazioarteko Amnistia.


Amnesty Internationalek YouTuben duen kanalaren bidez lortutako bideo honetan, ezin hobeto ikusten da bertan bizi duten eguneroko kalbarioa.



Bide batez, kanal horretako beste zenbait bideo ikustera animatzen zaituztet! Oso onak dira eta.

GUANTANAMO, MUSIKA

Sinetsi ez arren, sarean, musika ere aurki dezakegu Guantanamorekin lotuta.
Hona hemen zenbait abestitarako estekak, eta bideoklip bat, "gozatu"!

Huecco - Guantanamo

Outlandish - Guantanamo

Honatx, bideoklipa!



Beny Moré - Guantanamo
(Kantu hau berezia da, Guantanamo exotikoari eta politari buruz dihardu. Ironikoa gero...)

GUANTANAMO, INFERNUA

Kasurik entzunena, salantza barik, Guantanamoko kartzelaren inguruan da. Kartzela hau, Guantanamon kokaturik dago, EEBBetan. Kubaren lurraldearen baitan, irlatxo bat bailitzan aurkitzen da. Iraganean, Espainiarren EEBBeri eginiko opari gisan.
Bertako kartzela, munduko gogorrena dela diote. Bortxaketak eta torturak egunerokotasunean ageri dira, eta honen aurka, Nazioarteko Amnistiak aurkako jarrera argia erakutsi du betidanik.


Salaketak ugariak izan dira. Batik bat, George W. Bush presidente izan zen garaian. Halaber, Bushek, ez zuen jarrera aldatu, eta gobernu aldaketa gertatu behar izan da gauzak alda daitezen. Barack Obamak, agindu zuen bezala, ixteko agindua eman zuen 2010eko urtarrilean. Prozedura luze eta zaila izan arren, hurrengo urterako itxiera totala agindu zuen.

Hona hemen, bideo-erreportaia interesgarri bat:

Kasu aipagarrienak

Testuinguru bat badugu jada Nazioarteko Amnistiaren inguruan.
Orain, errealitate gogorrean sakonduko dugu astiro-astiro.

Hasteko, kasu "inpaktagarrienak" ikusiko ditugu. Alde batetik, Guantanamoko kartzelaren inuguruko salaketak eta torturak. Bestalde, Sierra Leonako (Afrika) emakumeen heriotz tasa handiaren inguruan.

Hurrengo sarreran, beraz, GUANTANAMO, eta Nazioarteko Amnistiak berakiko erakutsi duen jarrera azalduko dizuet, bideo zein argazkiz horniturik hurrengo egunetan.

Agur!

Nazioarteko Amnistia prentsan

Esteka interesgarriak, Nazioarteko Amnistiaren inuguruan, prentsan.

elplural.com
www.servindi.org
www.periodistas-es.org
www.elpais.com
www.elmundo.com

Amnesty International Magazine

Kanpainak abian!

DEMAND DIGNITY: Duintasunaren alde eta honetarako eskubideak aldarrikatzen dituen ekintza. Duela denbora bat abian jarri zen, eta erakundearen ildo nagusietariko bat da.

IZUAREN AURKA, JUSTIZIA: Terrorismoaren biktima, edo biktimen familiartekoei, bortxatuak izan diren edo familiartekoei, eta beste zenbait antzeko kasuetako biktimei babesa eta laguntza emateko.

HERIOTZA ZIGORRIK EZ!: Nabarmenki gutxiagotu den arren, oraindik bizirik dirauen heriotza-zigorraren aurkako kanpaina da. Batik bat, EEBBetan eta Ekialde Hurbilean eta Txinan oraindik mafia askok erabiltzen duten teknika. Eta gobernu batzuk ezkutuan.

EMAKUMEENGANAKO INDARKERIARIK EZ!: Emakumeenganako eraso eta mehatxuen aurka, tinko.

ARMAK KONTROLPEAN: Gerra garaian batik bat, armen erabilera eta fabrikazio neurrigabekoa kontrolatzeko kanpaina.

Egin klik hemen, web orrialde ofizialean ikusteko informazioa.

Sasi-argazkiak

Pobrezia, injustizia, tolerantzia, arrazakeria.
Argazki aurkezpen sentikor baten, hona hemen.

Komunikabideetan barrena

Bizi garen garaietan, eta gure gizartean, nahitaezkoa da internet bidez hedatzea. Horretarako hainbat tresna erabil daitezke. Oinarrizkoa, web orrialdea da. Nazioarteko Amnistiak badu berea: www.amnesty.org. Bertan, denetariko informazioa aurkitu daiteke: nortzuk diren, zertan lagun dezakezun, zertan diharduten, argitalpenak, giza-eskubideen ezagutza sakonagoa, eta abar.

Honetaz gain, aldizkari bat ere badaukate, paperezko formatuan. Hilero ateratzen dute, eta momentuko gertakari eta eskubide urraketaz hitz egiten dute.

Multimedia ere tresna ezin baliagarriagoa da. Youtube bideo orrialde famatuan, Nazioarteko Amnistiak, bere kate propioa du. Bideo ugarirekin, ingelesez, frantsesez, arabieraz zein gazteleraz.

Azken baliabide elektronikoa, RSSa da. RRSa, zure nabigatzailearen barran instalatu daitekeen iruditxo laranja bat da. Non bertan sakatuz gero, erakunde honi buruzko azken berriak aurki ditzakezu, zuzenean. (Hemen klik eginez gero, A.I.ren RSS-ra suskribitzeko orrialdera joango zara, KLIK batean!

Gero arte!

Finantziazioa

Dirua nondik datorren, galdera ohikoa da. Esan dudanez, ez dute inongo gobernuekin ezta erakunde politikorekin zerikusirik. Honenbestez, daukaten finantziazio eta diru guztia, bazkideek emana da. Urteko kuotaren bitartez, edo bakoitzaren ekarpen pertsonalaren bidez. Honetaz gain, bazkidea ez den, baina laguntza bat eman nahi dion orok ere egin dezake, daukaten kontu korrontean.

Azkenik, beste diru iturri garrantzitsu bat, ekitaldi berezietatik eta kanpainetatik datorkie.

Galwayn ospatutako jaialdi baten irudiak, hemen behean. Borde horiz eta formatu txikiagoan osatutako bideoan.

Antolamendua

Mundu mailan, herrialdeka arduradun nagusiak daude. Sailetan banaturik. Herrialde bakoitzeko sailak, bertako autonomia edo eskualdeen antolamendu eta zereginetaz arduratzen dira.

Autonomia bakoitzean, talde bat dago gutxienez, eta talde honek, herri mugimendua antolatzen du.

Espainian, adibidez, 90 talde daude. Talde eta sail guzti hauek antolatu eta martxan jartzeko, Nazioarteko Idazkaritza daukate, Londresen. Bertan, zentralizatua daude informazio, salaketa eta kasu guztiak.

Helburuak

Sarrera berri honetan, laburtuta ikusiko ditugu Nazioarteko Amnistiak, helburu bezala dituenak.

Batez ere, beharrean dauden pertsonengatik dihardute lanean buru-belarri. Horretaz gain, ikerketa lanak sustatzea eta abian jartzea haien gain hartzen dute. Bestalde, eskubide zibil, sozial, kultural, erlijioso eta ekonomikoen aurkako erasoei amaiera jartzea, helburu nagusi eta era berean zailena da. Azkenik, giza eskubideak guztiontzako bete daitezela aldarrikatzen dute.

Adibidez, emakumeenganako indarkeriaren aurka irmo azaltzen dira (nola ez). Pobreen duintasuna eta eskubideak aldarrikatzeko plataforma bat abian dute. Helburu nagusi bat, baita ere, heriotza-zigorra desagerraraztea da. Mundu mailan. Bortxaketak amaiarazi eta hauekiko izua desagerrarazi. Presoen eskubideak defendatzea, armen komertzioa kontrolatzea eta pertsona etorkinak babestea, haien zeregin eta helburu nagusietarikoak dira.

Egin klik hemen web orrialde ofizialean helburuak ikusteko.
Ondo izan!

Sorrera

Erakunde hau, 1961ean sortu zen, Peter Benenson ingelesaren eskutik. Peter, abokatua lanbidez, The Observer egunkaria irakurtzen zebilen. Bertan, bi ikasle portugaldar, kartzelaratuak izan zirela aipatzen zen. Askatasunaren alde topa egiteagatik. Artikulu honen indarrak bultzaturik, maiatzaren 28an, artikulu bat idatzi zuen “Kartzelaratu Ahantziak”. Hain handia izan zen idatzi honen oihartzuna ze, egun batzuetara, bi ikasleen aldeko mugimenduak hasi zirela. Beranduago, artikulu hori, beste zenbait hizkuntzatara itzulia izan zen, eta beste egunkari batzuetan argitaratua.




Gertakari honek eman zion hasiera, giza eskubideen aldeko mugimendu ofizialari. Izan ere, urte horretako uztailean, lehen bilkura antolatu zen. Belgika, Erresuma Batua, Alemania, Irlanda, Suitza eta Estatu Batuetako ordezkariekin. Helburua, giza-eskubideen aldeko mugimendu ofizialari hasiera ematea izan zen espresio eta erlijio askatasunean batik bat.



Honatx, bere inguruan eginiko bideo labur bat. Hunkigarria. Ingelesez egon arren, erraz aprezia daiteke nor zen, zer egin zuen, zein pertsona handia izan zen. Peter Benenson.

Nazioarteko Amnistia

Nazioarteko Amnistia, Amnesty International (A.I.) izenaz ezagunagoa, gobernuz kanpoko erakunde bat. Giza eskubideak sustatu eta aldarrikatzea da bere helburu nagusia.

Erakunde hau izango du ardatz blog honek. Honen inguruan, bideoak, iritzi artikuluak, informazioa, kanpainak eta beste zenbait dokumentu interesgarri plazaratuko ditut.

Izan ere, garrantzitsua iruditzen baizait, erakunde honek, gaur egun bizi garen gizartean duen garrantzia. Norbera, bere eskubide eta betebeharren jabe izan behar baita. Inork baldintzatu gabe, eta Nazioarteko Amnistia, buru belarri dabil lanean ildo honetan, urteetan zehar.